Legenda:
En ils Stadis Unids è il medicament “Entresto” gia lubì dapi il fanadur.
Keystone
cuntegn
Svizra - Novartis po lantschar nov medicament dal cor
Il concern da farmazia Novartis ha survegnì la lubientscha per lantschar in ulteriur medicament dal cor sin il martgà svizzer. L’autoritad responsabla Swissmedic haja dà glisch verda, communitgescha Novartis.
En ils Stadis Unids è il medicament «Entresto» gia lubì dapi il fanadur. Tar il medicament sa tracti probabel da la pli impurtanta introducziun da quest’onn. Tenor las cifras da Thomson Reuters spetgan ils analists ina svieuta annuala da 4,4 milliardas dollars aifer ils proxims 5 onns. «Entresto» sbassa tranter auter la ristga da mort tar ina desditga dal cor.
