Ils proxims trais onns vul il concern da farmazia investir a Stein en plirs pass fin 90 milliuns francs. En in emprim pass duain vegnir stgaffidas 260 novas plazzas da lavur cun il potenzial da stgaffir ulteriuras 190 plazzas.
Novartis bajegia a Stein en il chantun Argovia in implant da producziun per terapias da cellas e terapias geneticas. Cun quest project duain vegnir promovidas talas terapias en Europa. Las emprimas terapias or dal nov implant duessan star a disposiziun als pazients en Svizra ed en Europa il cumenzament dal 2020.
Novartis producescha gia terapias geneticas e da cellas a Morris Plains (New Jersey) en ils Stadis Unids. Ultra da quai è Novartis vegnì d'accord cun l'interpresa CELLforCURE da producir talas terapias davent dal 2019 a Les Ulis (Essone) en Frantscha.
RR novitads 08:00