Siglir tar il cuntegn

Header

cuntegn

Svizra Novartis stritga plazzas - er en Svizra

Il concern da farmazia svizzer Novartis vul stritgar plazzas sin l'entir mund, er en Svizra. En la producziun haja dà ils ultims onns ina surcapacitad, ha ditg il president dal cussegl d'administraziun envers la "NZZ am Sonntag".

Blers dals 86 lieus da producziun da Novartis na dovrian betg lur entira capacitad. La reducziun pertutgia la producziun da medicaments da standart, uschia il president.

Quantas plazzas che duain vegnir stritgadas na di il concern betg. En Svizra occupescha Novartis il mument radund 13'000 persunas.

A medem temp stgaffescha Novartis però novas plazzas en la producziun da novs medicaments, quai aveva il concern annunzià l'emna passada. En il lieu da producziun a Stein en il chantun Argovia duai dar ils proxim onns fin 450 novas plazzas.

RR novitads 06:00

Artitgels legids il pli savens