Siglir tar il cuntegn

Header

cuntegn

Svizra Novartis vul stritgar passa 2'000 plazzas en Svizra

Novartis vul stritgar en Svizra 2'150 plazzas fin il 2022. Quai ha communitgà il concern da farmazia.

Radund 1'450 plazzas da lavur giajan a perder a Basilea, Schweizerhalle, Stein e Locarno. Ulteriuras 700 plazzas en il sectur da servetsch duain vegnir spustadas en l'exteriur. La finamira è da stritgar las plazzas aifer ils proxims quatter onns. Jörg Reinhardt, president dal cussegl d'administraziun da Novartis, aveva annunzià avant curt en in'intervista ch'i saja planisà da stritgar plazzas. Quai per auzar las marschas operativas.

Percunter stgaffescha il concern 450 plazzas novas. Planisà è in center da producziun a Stein. Quella mesira aveva Novartis gia communitgà avant in temp.

Critica envers Novartis

La federaziun tetgala «Angestellte Schweiz» e la regenza dal chantun Argovia crititgeschan ils plans da Novartis. Il concern stoppia surpigliar la responsabladad per ils lieus da producziun en Svizra.

RR novitads 08:30

Artitgels legids il pli savens