L’avust passà hai dà en Svizra 1'182 dumondas d’asil. Cumpareglià cun il fanadur èn quai 9,8% (-129 dumondas) damain. Cumpareglià cun l'avust 2018 èn quai 0,9% (11 dumondas) damain. Quai ha annunzià il Secretariat da stadi per la migraziun.
Il secretariat da stadi per la migraziun ha er curregi engiu in zic sia prognosa. L'entschatta è vegnì quintà cun 15'500 ed uss quint'ins anc cun 14’500 dumondas d’asil.
Origin dals requirents d'asil
Ils pli blers requirents d’asil vegnan da l’Eritrea (223 dumondas) e da la Tirchia (186 dumondas) suandà da l'Afganistan (127 dumondas), la Siria (99 dumondas) e l'Algeria (74 dumondas).
Ord l'archiv
Gia in onn avant èn las dumondas d'asil idas enavos.
Dapi l’onn 2015 datti adina pli paucas dumondas d’asil en Svizra. Dentant sin l’entir mund datti adina dapli fugitivs. Daco vegnan quels pia betg en Svizra?
RR novitads 16:00
