A partir dal 2016 valan novas reglas cunter la lavada da daners nairs en Svizra. Uschia ston commerziants d'immobiglias, art u pedras preziusas guardar exact sch'els piglian encunter autas summas da daners en bar. La Surveglianza federala da finanzas FINMA ha reglà ils detagls en in'ordinaziun.
Per bancas, societads d'investment ed assicuranzas porta il concept dal «possessur da controlla» in'impurtanta midada. Da nov ston intermediaturs da finanzas eruir consequentamain tge persunas natiralas che stattan davos persunas giuridicas u societads da persunas.