Il Cussegl federal ha concretisà las reglas per daventar burgais da la Svizra. Quellas duain valair a partir dal 2018. Uschia na po insatgi betg daventar burgais, sch'el ha retratg agid social trais onns avant la dumonda e n'ha anc betg turnà ils daners.
Vinavant concretisescha il Cussegl federal en l'ordinaziun las valurs da la constituziun, cun las qualas il petent sto s'identifitgar. Latiers tutgan per exempel l'egualitad tranter um e dunna sco era la libertad da religiun e d'opiniun.
D'ina decleranza da loialitad a scrit vegn dentant desistì.