Uschia valan prest novas reglas per la fiera da medicaments – ina fiera da milliardas. En l'avegnir pon apotechers vender intgins medicaments che basegnan in recept, senza ch’in medi haja fatg ina diagnosa. Medicaments che na dovran nagin recept pon era drogarias vender. Ed intgins medicaments cun pitschen ristg da maldiever, sco tablettas per mal la gula, èn en il futur era da chattar en il commerzi en detagl.
Era medicaments per animals
Era purs e veterinaris sentan la revisiun da la lescha da medicaments. Per limitar las resistenzas tar antibiotica serva ina banca da datas d’antibiotica. Las datas rimnadas duain pussibilitar ina strategia cuminaivla per il cumbat cunter resistenzas.
RR Novitads 12:00