La scola politecnica federala ETH è puspè confruntada cun novas renfatschas da mobing. Mintga quart doctorand vegnia tractà nausch da ses professur u sia professura rapporta l'agentura da novitads svizra SDA.
Savens vegnia malduvrada la pussanza. In terz dals participants da la retschertga inditgeschan, che lur professur u lur professura na surpiglia betg ses pensum da mentur – ils professurs sajan savens absents e s’engaschian strusch.
La retschertga ha fatg l’associaziun dals collavuraturs scientifics da la ETH sez. Dals 4’100 doctorands han 37% fatg part.