Ina pledadra da l'associaziun da banchiers ha confermà in rapport da la gasetta Welt am Sonntag. I sa tracti tant da contos svizzers sco er da l'exteriur. L'examinaziun na stettia ni temporarmain ni geograficamain en connex cun il naziunalsocialissem, ha ella punctuà.
Tenor il rapport stoppian contos vegnir publitgads 60 onns suenter il davos contact e quai anc quest onn. Tenor experts pudessi l'examinaziun purtar novs fastizs per facultads ch'ils Nazis avevan mess en segirtad curt avant la fin da la segunda guerra mundiala.
RR novitads 17:00