Var mintga 10avla Svizra u Svizzer ha profità l'onn 2017 d'agid social e sumegliants sustegns. Questa cumpart saja dapi il 2014 relativamain stabila, scriva l'Uffizi federal da statistica. En tut han 801'793 persunas duvrà il 2017 almain ina prestaziun da l'agid social en il senn pli vast.
L'agid social en il senn pli vast cumpiglia tranter auter era las prestaziuns supplementaras tar la AVS e la AI, ils pajaments anticipads per aliments e l'agid per persunas dischoccupadas.
Tar ils pajaments anticipads d'aliments e tar las indemnisaziuns per invaliditad è il dumber dals retschaviders dapi il 2016 regressiv. Dentant è il dumber dals retschaviders da prestaziuns supplementaras, agid social ed assistenza a famiglias s'augmentà.
RR novitads 12:00