A l'ur d'ina occurrenza en il chantun Turitg ha il nov president da la Confederaziun, Ueli Maurer, ditg envers TeleZüri, che la cunvegna da basa en il stan actual na vegnia betg acceptada. Quai saja ses giudicament. I saja perquai da far ulteriuras ed impurtantas negoziaziuns. Maurer ha confermà che quai saja da valitar sco messadi a l'UE. Il mez da december aveva il cumissari da l'UE Johannes Hahn declerà che ulteriuras negoziaziuns sajan sclausss per l'UE.
Maurer s'inscuntra privat cun Trump
Ultra da quai ha Maurer annunzià ch’i vegnia a dar in inscunter privat tranter el ed il president american Donald Trump a chaschun dal WEF a Tavau. Sin l'agenda vegnia a star la convenziun da commerzi liber tranter la Svizra e l’USA.
RR novitads 17:00