Siglir tar il cuntegn

Header

cuntegn

Novs vehichels Bunamain 20% pli paucs novs vehichels da diesel

Il 2018 èn total var 395 milli vehichels motorisads vegnids da nov en circulaziun. Cumpareglià cun il 2017 è quai ina sminuziun da 4,2%. 300'000 dals vehichels novs èn autos da persuna, in minus da radund 4,5%.

Ferma è la sminuziun stada tar ils vehichels da diesel: 20% pli paucas immatriculaziuns che il 2017. Quai èn var 90'000 autos. Vinavant crescha il numer dad autos ibrids, pia autos che van cun forza electrica e benzin u diesel. Var 15'000 novs vehichels, quai è in plus da 30% en congual cun l'onn avant.

Cun var 190'000 autos van ils blers autos novs anc adina cun benzin. Quella cifra è s'auzada per 2,8%.

Il 2018 hai dà en Svizra var 6,1 milliuns vehichels motorisads.

RR novitads 10:00