Siglir tar il cuntegn

Svizra Novs viertgels per Beznau

Ils dus reacturs da l'ovra atomara Beznau en l'Argovia survegnan novs viertgels en il rom da la modernisaziun. Sco quai ch'il concern d'energia Axpo communitgescha sajan las lavurs da planisaziun tant sco terminadas.

Ils dus reacturs da l'ovra atomara Beznau.
Legenda: Sco mesira da precauziun vegnan ils viertgels dals reacturs midads ora. Reuters

Ils dus viertgels dals reacturs sajan dal tuttafatg intacts. La raschun ch'els vegnian midads ora sajan mesiras da precauziun. Quai sin basa d'experientschas fatgas a l'exteriur cun ils medems viertgels.

Viertgels paisan 52 tonnas

Ils novs viertgels custan 100 milliuns francs e paisan 52 tonnas. Els èn dus meters auts ed han in diameter da quatter meters. Durant ch’in viertgel vegn midà ora na sa chattan nagins elements combustibels en il reactur.

RR novitads 13:00