Siglir tar il cuntegn

Header

cuntegn

Nua è tge cusseglier federal? Ina survista dals pleds da prim d'avust

Malgrà ch'i dat quest onn causa coronavirus pli paucs brunchs ed autras occurenzas dal prim d'avust van ils blers cussegliers federals er quest onn tranter la glieud. Uschia visita cusseglier federal Guy Parmelin il Grischun.

La presidenta da la Confederaziun Simonetta Sommaruga tegn il pled tradiziunal sin il Rütli. Ses collegas da regenza èn a Schaffhusa, Bellinzona, Tenero e Losanna. Visitas datti er en il Grischun. Cusseglier federal Guy Parmelin prenda part sonda avantmezdi al brunch da la fundaziun Plankis a Cuira. Silsuenter tegna el in pled ad ina pitschna festivitad a Cavaione che tutga tar la vischnanca da Brusio.

La cussegliera federala Viola Amherd ed Ueli Maurer na tegnan nagin pled da prim d'avust, tenor las infurmaziuns da la Chanzlia federala.

RTR actualitad 07:00

Artitgels legids il pli savens