Siglir tar il cuntegn

Header

cuntegn

Nua va la PCD? Pfister: «PCD na dastga betg pli esser da la vart dals perdiders»

A la radunanza da delegadas e delegads da la Partida cristiandemocratica svizra (PCD) a Frauenfeld vai sper pliras parolas per votaziuns era per l'identitad da la partida sezza.

gerhard pfister pensiv
Legenda: Il president da la PCD Gerhard Pfister vul midar trend ed orientaziun da la partida. Keystone

La partida stoppia midar il trend e na dastgia betg pli restar sin la vart dals perdiders. Quai ha ditg il president da la Partida cristiandemocratica svizra (PCD) avant delegadas e delegads a Frauenfeld. Attatgar duai la PCD tar las proximas elecziuns federalas 2023. Concret en mira è da gudagnar dapli sezs en ils chantuns Turitg, Berna, Vad ed Argovia. Questa chantuns hajan ensemen 94 sezs - pia prest la mesadad dal Cussegl naziunal. Da quests 94 haja la PCD mo 3 mandats. Pfister ha era confermà da vulair manar vinavant la PCD svizra.

Retschertga davart il «c» e la politica dal center

La partida stoppia ultra da quai avair ina purschida politica simpla e clera che peldenta las generaziuns da l'avegnir. E cunquai che la confessiun haja pers la relevanza en la vita sociala d'ozendi. Perquai ha la suprastanza lantschà ina retschertga tar la basa da la partida - ina retschertga davart il num da la partida.

Parolas: migraziun, luf e deducziun da taglia

  • La PCD refusa cleramain l'iniziativa da limitaziun da la Partida popular svizra (PPS). Cun 159 cunter 10 vuschs s'expriman delegadas e delegads encunter schliar la cunvegna da circulaziun libera da persunas cun l'Uniun europeica - e la contrahar danov.
  • In cler gea decida la radunanza da delegadas cun 144 cunter 21 vuschs per la revisiun da la lescha da chatscha federala. Questa vul tranter auter schluccar la protecziun dal luf ed autras spezias. La basa per questa revisiun è stada ina moziun dal cusseglier dals stans grischun Stefan Engler (PCD) che pretendeva da schluccar la protecziun dal luf. Organisaziuns da protecziun da l'ambient e d'animals han prendì il referendum.
  • Sustegn cler datti era per la lescha davart la taglia federala directa cun 142 cunter 17 vuschs. Il project vul auzar las deducziuns per uffants tar la taglia federala directa. Cunter questa materia ha la Partida socialdemocratica (PS) prendì il referendum. Questas mesiras muntian perditas da taglia da 370 milliuns francs.

Tut las materias van en votaziun ils 17 da matg.

RTR novitads 12:00

Dapli da Svizraavrir la Landingpage

Nach links scrollen Nach rechts scrollen