Siglir tar il cuntegn

Header

cuntegn

Svizra Numer da AVS per identifitgar persunas

En l'avegnir duain las autoritads pudair duvrar en general il numer dad AVS per identifitgar las persunas. Quai duai far pli effizient e pli bunmartgà la lavur d'administraziun, scriva il Cussegl federal che ha tramess en consultaziun la midada da la lescha d'AVS.

Cun duvrar sistematicamain il numer dad AVS saja pussaivel d'actualisar las datas da las persunas automaticamain, precis e svelt, scriva ella. La Confederaziun, ils chantuns e las vischnancas pudessan far diever dal numer d'AVS. Instituziuns che fan servetschs publics stuessan però vinavant vegnir autorisads tras ina lescha speziala.

Protecziun da datas resta

Tenor il Cussegl federal na saja il ristg da l'abus da las datas betg pli grond. Il sboz da lescha prevesa che l'access a la banca da datas vegnia segirà optimal. Il Cussegl federal è er persvas ch'e las datas da diversas bancas da datas na vegnian betg colliadas pli savens ina cun l'autra che fin uss. Er il privel da scumbigls saja pli pitschen.

La proposta per il midament en la lescha da l'AVS ha il Cussegl federal tramess en consultaziun.

RR novitads 11:30

Artitgels legids il pli savens