Siglir tar il cuntegn

Svizra Numer da l'AVS sco factur d'identificaziun

Il numer da l'AVS duai en futur vegnir duvrà per infurmaziuns en connex cun proprietads da funs e bains immobigliars.

Ina nova carta d'AVS sur ina veglia.
Legenda: Il numer da l'AVS duai servir per identifitgar possessurs da funs ed immobiglias. Keystone

Il cudesch funsil dat scleriment sur da la proprietad da funs e bains immobigliars. Ils proprietaris ston pudair vegnir identifitgads cleramain. Il Cussegl naziunal ha suenter ch'el era l'emprim sceptic approvà da duvrar il numer da l'AVS per l'identificaziun. El sustegn uschia la proposta dal Cussegl federal.

Ils adversaris da la proposta han fatg valair la protecziun da datas. La cussegliera federala Simonetta Sommaruga ha percunter fatg attent ch’il numer d’AVS vegnia manà decentral tar ils chantuns, uschia avessan hackers da surmuntar plirs obstachels per vegnir tar las datas. La maioritad ha argumentà ch’il numer d’AVS vegnia duvrà gia oz per pliras indicaziuns e quai senza problems. La fatschenta va en il Cussegl dals chantuns.

RR novitads 11:00