La Pro Juventute ha cusseglià marcantamain dapli uffants e giuvenils pervi da patratgs suicidals. Quai ha ditg la nova directura da la fundaziun Nicole Platel envers il «SonntagsBlick». Il dumber da cussegliaziuns enturn il tema suicidi saja s’augmentà per 26% cumpareglià cun l’onn avant.
Mintga di cusseglia Pro Juventute 9 minorens ch’hajan patratgs suicidals al telefon. Il 2022 eran quai anc 7 fin 8 per di, uschia Platel – che surpiglia la direcziun a partir da l’auter mais – vinavant.
Numer gratuit 147
Sin sia hotline audian las collavuraturas ed ils collavuraturs da la fundaziun Pro Juventute savens ch’ils giuvenils stoppian spetgar sin in plaz da terapia. Il 2019 sajan stadas necessarias 3 fin 4 cussegliaziuns al telefon. L’onn passà haja dà en media mintga dus dis in’intervenziun da crisa. L’entir onn 2019 eran quai anc 57 intervenziuns da crisa.
Or da l'archiv
