Siglir tar il cuntegn

Header

cuntegn

Nums geografics Protecziun pli simpla per products svizzers

Denominaziuns geograficas da products sco «pulpa» u «Zuger Kirschtorte» sco er uras cun l'indicaziun dal num «Swiss» duain profitar d'ina protecziun pli simpla. Perquai propona il Cussegl federal che la Svizra fetschia part d'ina cunvegna internaziunala davart denominaziuns d'origin.

I sa tracta da l'acta da Genevra da la cunvegna da Lissabon davart denominaziuns d'origin. Oz dependia anc da las leschas dals stadis esters u d'ina eventuala cunvegna bilaterala - sche las indicaziuns geograficas èn protegidas en l'exteriur. Cun segnar la cunvegna na stuessan producents svizzers betg pli far en mintga stadi ina dumonda separada.

Indicaziuns geograficas tar products sco per exempel «Rigi Kirsch» sajan in'avantatg impurtant en il martgà global, scriva il departament d'economia. Ellas protegian nums da regiuns u denominaziuns tradiziunalas da products, nua che la qualitad e la caracteristica vegnan determinads principalmain da lur origin geografic.

Nov è era ch'il sistem vegn schlargià sin tuttas indicaziuns geograficas sco per exempel «Swiss» u «Appenzeller» tar il «Appenzeller Mostbröckli».

La consultaziun dura fin ils 20 da settember 2019.

RR novitads 11:00