Svizra - Nursas e chauras ston en futur vegnir annunziadas
En Svizra ston en l’avegnir tut las nursas e chauras vegnir annunziadas, quai ha decis il Cussegl federal. L’avis a la banca da datas da la Confederaziun è obligatoric a partir da l’entschatta dal 2020.
En la banca da datas vegnan registrads tut las naschientschas, entradas e sortidas, imports ed exports e la mort dals animals. Quai è oz gia il cas tar las trimas. Plinavant ston nursas e chauras en l'avegnir purtar 2 marcas d’ureglia. Ils possessurs survegnan persuenter ina contribuziun per dismetter products secundars dals animals.
