Siglir tar il cuntegn

Header

Simonetta Sommaruga.
Legenda: La cussegliera federala Simonetta Sommaruga s'inscuntra cun ils ministers da l'UE per discutar davart la crisa da fugitivs. Keystone
cuntegn

Svizra «Nus na dastgain betg laschar la Grezia persula»

Cun barricadar la ruta dal Balcan pudessi la Svizra vegnir en il focus da fugitivs e migrants. Sa chapescha ch’il pajais saja preparà per questa situaziun, quai ha ditg la cussegliera federala Simonetta Sommaruga avant l'inscunter cun ils pajais da l'UE areguard la crisa da fugitivs.

Ins lavuria ensemen cun il corp da guardia-cunfins, ils chantuns e subsidiarmain er cun l'armada. Entant saja probabel mintgin conscient che nagin pajais possia dar dumogn sulet a la crisa da fugitivs. «En la Grezia datti entant ina crisa umanitara. Nus na pudain ni dastgain laschar persula la Grezia en questa situaziun», uschia Sommaruga.

Ministers da l'UE discurran davart las novas propostas da la Tirchia

Malgrà ch'i na stat betg ufficialmain sin la glista da tractandas, dastgassn ils ministers da l'UE discurrir davart las novas pretensiuns che la Tirchia ha fatg il glindesdi. Il pajais aveva tranter auter propnì da prender enavos tut ils requirents d'asil che sa chattan illegalmain en Grezia.

Per mintga requirent d'aisl che vegn purtà enavos, duai persuenter vegnì tramess in auter sin via legala da la Tirchia en l'UE. Sommaruga ha taxà questa proposta sco interessanta. I dettia però er puncts ch'ins stoppia surdumandar criticamain.

RR novitads 12:00

sda/cs

Artitgels legì il pli savens

Nach links scrollen Nach rechts scrollen