NZZ ed AZ-Medien han fundà interpresa communabla

Lur gasettas regiunalas sco era las staziuns da radio e televisiun vegnan els a concentrar en la nova interpresa communabla.

Las gasettas da la gruppa sin maisa. Bild in Lightbox öffnen.

Legenda da maletgs: Las gasettas regiunalas da la AZ-Medien e la NZZ appartegnan a la nova interpresa. Keystone

La gruppa NZZ e la AZ-Medien han fundà in'interpresa da medias communabla. Tenor communicaziun duain lur gasettas regiunalas sco era staziuns da radio e televisiun vegnir concentradas en quella. Tar quellas tutgan tranter auter la «Aargauer Zeitung», la «Luzerner Zeitung» ed il «St.Galler Tagblatt». Cun la nova interpresa veglian las duas chasas da medias segirar l'independenza ed il futur da lur marcas da medias regiunalas.

Cun questa colliaziun vegnia la derasaziun augmentada ed ins cuntanschia avantatgs da grondezza. Cun lur gasettas regiunalas, portals online e staziuns da radio e televisiun cuntanschian els radund dus milliuns persunas en la Svizra tudestga, scrivan las duas chasas edituras.

RR novitads 09:00