Ad Oberweningen en il chantun Turitg hai la notg passada dà in grond incendi en in manaschi ch’elavurescha laina. Persunas na sajan betg vegnidas blessadas. Dentant muntia il donn material a plirs milliuns francs, communitgescha la polizia.
L’incendi saja rut or enturn mesanotg e sa derasà spert. El haja destruì plirs bajetgs che tutgian tar il manaschi. Enturn las quatter hajan ils pumpiers pudì stizzar las flommas per gronda part. Daco ch’i ha brischà, n’è anc betg enconuschent. Eventualmain saja in chametg dà en, uschia la polizia vinavant.
Legenda:
Incendi en in manaschi ch’elavurescha laina.
Keystone