Siglir tar il cuntegn

Header

cuntegn

Obligatori da homeoffice a fin Betg tuts ston turnar oz en il biro

L’obligatori dal biro a chasa na vala betg pli. Ils patruns na quintan dentant betg che blers returnan en ils biros. Ils sindicats admoneschan da sa tegnair vi dals concepts da protecziun.

La Svizra fa puncto corona in grond pass enavos en la normalitad: l’obligaziun da lavurar da chasa anora. I dat dentant restricziuns. Tgi che ha per exempel problems cun il cor u cun la circulaziun, ni dunnas en speranza – na ston vinavant betg returnar en il biro grond, di Luca Cirigliano da l’Uniun sindicala svizra.

Dapli controllas fan da basegn

Sche las interpresas ordineschan a lur persunal da returnar en ils biros, stoppian quellas garantir las mesiras da segirezza da corona, accentuescha Cirigliano.

Sche quai na saja betg il cas, possian lavurantas e lavurants annunziar quai. Ils inspecturats da lavur stuessan lura far controllas.

Igl n’è nagin secret ch’ils inspecturats da lavur svizzer han memia pauc persunal.
Autur: Luca Ciriglianosecretari central da l’Uniun sindicala svizra

Il Secretariat da stadi per l’economia Seco ha ditg sin dumonda da SRF, che las mesiras da protecziun sajan vinavant obligatoricas. Controllas pli vastas na sajan dentant betg previsas.

Naginas grondas midadas spetga Fredy Greuter da l’Uniun svizra da las patrunas e dals patruns. Bain hajan ins spetgà ditg sin l’aboliziun da l’obligatori da homeoffice. Els na spetgian dentant betg ch’i dettia ina reducziun massiva da la glieud che ha lavurà fin uss da chasa anora.

Ina dumonda che resta actuala:

video
Taglia e homeoffice - Co vesi ora cun las deducziuns?
Or da RTR Social dals 15.02.2021.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga