Siglir tar il cuntegn

Header

Corine Mauch.
Legenda: Corine Mauch. Keystone
cuntegn

Obligatori da mascras? Turitg en situaziun alarmanta

En il chantun Turitg datti adina dapli cas da corona, cunzunt en la citad. Turitg sa chattia en ina situaziun alarmanta – ha ditg la presidenta da la citad, Corine Mauch, en in’intervista cun la «NZZ am Sonntag».

Corine Mauch pretenda dal chantun Turitg d’extender l’obligatori da mascras sin bajetgs publics e butias. La regenza haja prendì enconuschientscha da quai, dentant n’haja ella anc betg reagì – cuntrari a las citads da Genevra e da Basilea.

Er Berna pondereschia da rinforzar las mesiras da protecziun. Perquai stoppia uss er Turitg reagir tant pli spert per che la situaziun n’escaleschia betg – uschia Mauch. Nagin na profiteschia, sche Turitg valia tuttenina sco territori da risico. Nagin na veglia che dapli persunas stoppian ir en quarantina. Ed er las interpresas patissan dad in tal svilup.

RTR novitads 07:00

Artitgels legids il pli savens

Scrollar a sanestra Scrollar a dretga