Obligatori da mascrinas - En il futur duai dar chastis d'enfin 300 francs - Novitads

Obligatori da mascrinas En il futur duai dar chastis d'enfin 300 francs

Tgi che na resguarda betg l'obligatori da purtar mascras duai vegnir chastià. A quella midada da la lescha da Covid-19 ha il Cussegl naziunal dà oz avantmezdi ses consentiment.

Il Cussegl naziunal va d'accord cun il Cussegl federal che vul introducir la pussaivladad da chastiar quels e quellas che na sa tegnan betg vid l'obligatori da mascrinas. Chastis poi dar enfin 300 francs. Il Cussegl naziunal na less dentant naginas multas nua che l'obligatori n'è betg definì cleramain, sco per exempel zonas da peduns.

Gia la primavaira, durant il lockdown, avevan las autoritads la pussaivladad da chastiar persunas che n'han betg sa tegnì vid las reglas da corona. Il Cussegl naziunal discutescha oz pliras midadas en la lescha da Covid-19. Tranter auter er midadas per ils cas da direzza, indemnisaziuns per lavur curta e l'agid per il sport.