Occupaziun crescha - cun excepziun da l'industria

L’occupaziun en Svizra è creschida a la fin dal 2015. Cumpareglià cun l'ultim quartal dal 2014 è la quota d'occupaziun creschida per 0,9%. En cifras absolutas munta quai: La fin da l’onn passà avevan 4,897 milliuns persunas en Svizra in’occupaziun.

Dus lavurers sin in plazzal da construcziun. Bild in Lightbox öffnen.

Legenda da maletgs: Regress en 5 da 7 regiuns: L'industria svizra n'ha betg pudì nudar in augment - il sectur da servetsch però bain. Keystone

En Svizra han dapli persunas gì in'occupaziun la fin da l'onn passà. Cumpareglià cun l'ultim quartal da l'onn passà è la quota d'occupaziun creschida per 0,9% sin radund 4,9 milliuns persunas, communitgescha l'Uffizi federal da statistica.

Minus per industria, plus per servetschs

Contribuì a quest augment haja surtut il sectur da servetschs. Aifer quel han las branschas da sanadad e fatgs socials nudà in plus da 3,5%. Tar l'industria percunter han damain persunas gì in'occupaziun. Be las branschas ta victualias e tubac (+2,2%) e da farma (+2,7%) aifer quest sectur èn creschidas.

RR novitads 12:00