Per lubir occurrenzas da sport stoppia l’ordinaziun dal Cussegl federal cuntegnair clers criteris epidemiologics che stoppian vegnir ademplids. Quai ha ditg Lukas Engelberger, il president da la Conferenza svizra da las directuras e dals directurs chantunals da sanadad, envers la «SonntagsZeitung».
Dal punct da vista da la GDK fissan criteris pussibels il svilup dals cas da corona ed avunda capacitads en connex cun il contact tracing. Er la taskforce da la Confederaziun e parlamentaris pretendan talas prescripziuns.