Siglir tar il cuntegn

Header

cuntegn

Odi en l'internet Uffants e giuvenils exponids savens

Buobs e mattaschas èn confruntadas savens cun odi e commentaris instigants en l'internet. A questa conclusiun vegn ina retschertga da la Scol'auta turitgaisa per scienzas applitgadas.

Bun la mesadad da las 1'000 persunas tranter 12 e 19 onns ch'èn sa participadas al studi han ditg ch'ellas vesan e legian pliras giadas l'emna commentaris d'odi en l'internet. Pertutgadas èn cuncunt mattaschas e buobs en la vegliadetgna tranter 16 e 19 onns. Trais quarts da las mattatschas han tenor quai inditgà che tals commentaris schocheschian ellas u rendian ellas tristas. Tar ils buobs èn quai mo circa 40% che resentan ils commentaris uschia.

Il pli savens vegnan persunas giuvnas parmaladas ed insutadas pervi da lur cumparsa. Quai rapportan tenor il studi cunzunt las mattatschas. Derasada saja dentant er la discriminaziun pervi da l'orientaziun sexuala, la derivanza e la colur da la pel.

En egl dat che bunamain la mesadad dals buobs ha inditgà ch'els hajan chapientscha per tscherts commentaris, in terz chatta els perfin divertent ed interessant.

RTR novitads 12:00

Artitgels legids il pli savens