Siglir tar il cuntegn

Header

Navigaziun

cuntegn

Svizra OECD: L'egualitad tranter um e dunna va mo plaun vinavant

Tenor il nov rapport da l'OECD, l'organisaziun da cooperaziun e svilup economic en Europa, datti bleras refurmas, dentant vai mo plaun vinavant cun l'egualitad tranter um e dunna. Il nov rapport da l'OECD mussa che dunnas vegnan anc adina discriminadas en blers pajais.

Fotografia da um e dunna.
Legenda: En bleras terras manca anc l'egualitad tranter um e dunna. Pixabay

Tenor il rapport da l'OECD che ha intercurì e cumpareglià la situaziun en 180 pajais, vegnan las pli bleras dunnas discriminadas en lur atgnas famiglias. 75% da tut las dunnas lavuran a chasa u tgiran ils uffants senza paja.

En 27 dals pajais ston dunnas far per cumond als umens. Uschia èsi er scumandà en 24 pajais a dunnas dad ir a lavurar senza la lubientscha da l'um. En bun la mesadad dals pajais datti professiuns che sulettamain umens dastgan far.

Sco motiv principal che las refurmas na portian nagut, inditgescha la OECD, ch'i dettia pregiudizis e differentas chapientschas da normas socialas.

RR novitads 17:00