La branscha da radio planisescha in'offensiva da marketing per DAB+. Represchentants da la SRG e da radios privats han suttascrit ina cunvegna che definescha la midada dal radio analog UKW al radio DAB+ digital.
Per ils auditurs ha la midada la consequenza ch'els ston cumprar apparats novs u tadlar radio sur l'internet. Tenor il directur general da la SRG, Roger de Weck, haja la glieud differentas relaziuns tar la televisiun ed il radio. Entant ch'els midan savens la televisiun, tegnian els in radio durant decennis.
