Dals 13 fin ils 23 d'october 2022 sa preschenta il Grischun a la fiera publica sco chantun attractiv d'abitar e da lavurar ma era sco chantun tradiziunal e modern da turissem. Quai ha communitgà il Departament d’economia publica e fatgs socials.
Vitrina prominenta vers il Grischun
Durant il «Di dal chantun ospitant» preschentan las uniuns e las organisaziuns grischunas en ina moda e maniera viva la ritgezza da las tradiziuns dal chantun. Il til tras il center da Son Gagl cun var 700 participants vegn accumpagnà da var 25'000 aspectaturs.
La pli gronda fiera da la Svizra attira mintg’onn passa 300'000 visitadras e visitaders e dura 11 dis. Il Grischun è stà l'ultima giada l'onn 2003 chantun ospitant. En il rom da l'exposiziun speziala vegn il Grischun ad esser preschent al lieu per l'entira durada da la Olma.
