Omosexuals pondereschan plant cunter l’uvestg

Pink Cross, l'uniun tetgala dals omosexuals en Svizra, vul denunziar l'uvestg Vitus Huonder pervi da provocaziun da commetter in delict.

In placat purtà durant ina demonstraziun d'omosexuals. Bild in Lightbox öffnen.

Legenda da maletgs: Cura che l’uvestg Vitus Huonder discurra da l’omosexualitad, procura el spert per irritaziun. Keystone

Quai ha confermà Bastian Baumann, il president da «Pink Cross» a la gasetta «Schweiz am Sonntag». La raschun per la denunzia saja stà in referat che l'uvestg aveva tegnì en la Germania. L’uvestg Vitus Huonder aveva tranter auter cità passaschas che din, che l’omosexualitad duai vegnir chastiada cun la mort.

Pliras organisaziuns d’omosexuals ed era represchentants da la baselgia catolica avevan sinaquai crititgà ils pleds dal uvestg sco discriminaziun. Huonder era s’exculpà pli tard ed aveva discurrì d’in malenclegientscha.

RR Novitads 06:00