Siglir tar il cuntegn

Header

video
Pertge datti onns basests?
Or da RTR Social dals 28.02.2020.
laschar ir
cuntegn

Onn basest La Terra na dovra betg exact in onn per circular enturn il sulegl

365 dis, 5 uras, 48 minutas e 45.252 secundas: exact uschè ditg dovra noss planet Terra per circular ina giada enturn il sulegl. Pia dapli che exact in onn. Per curreger quai dovri mintga quatter onns in di basest.

Sch’ins na curregis betg quai entras in di u in onn basest, lura na fiss il chalender betg pli gist. En in pèr 100 onns fiss lura Nadal pir il favrer. Quest problem aveva gia Julius Cesar remartgà, ed il politicher roman aveva inoltrà in di basest per curreger quai.

Schabetgs durant il di basest

Il di basest è in impurtant di per il chalender, ma igl è era in di nua che chaussas impurtantas èn capitadas. Era sch’igl è casualitad che quai era gist ils 29 da favrer.

  • 1880: Perfuraziun dal tunnel da viafier dal Gotthard
  • 1940: Emprim Oscar per in’actura da pel stgira (Hattie McDaniel en il film «Vom Winde verweht»)
  • 1960: Terratrembel ad Agadir en il Maroc cun 10’000 fin 15’000 persunas mortas
  • 1996: Fin da la bloccada da Sarajevo. Cun 1'425 dis è quai stada la pli lunga bloccada dal 20avel tschientaner

RTR actualitad 07:00

Artitgels legids il pli savens

Scrollar a sanestra Scrollar a dretga