Siglir tar il cuntegn

Svizra Onn da record per Nez Rouge

Durant ils dis da festa han 34'000 automobilists che n'eran betg pli abels da charrar sez fatg diever dal service da l'organisaziun Nez Rouge. Els han dà giu las clavs ed han sa laschà charrar a chasa dals voluntaris.

Auto da Nez Rouge.
Legenda: Transports gratuits duain evitar accidents. Keystone

Tenor indicaziuns da l'organisaziun Nez Rouge han ils 10'000 voluntaris tut en tut fatg 16'000 viadis sur ils dis da festa. Quai è 6% dapli che l'onn passà e medemamain in record.

Cun l'entschatta da l'onn è la 28avla acziun Nez Rouge ida a fin. Durant la notg da Silvester han 1'600 voluntaris manà a chasa 8'600 persunas che vegnivan da festas.

Nez Rouge

Nez Rouge è in'organisaziun ch'exista dapi il 1990 en il Giura ed entant en l'entira Svizra. Cun porscher transports gratuits per persunas che n'èn betg pli ablas da charrar vul l'organisaziun evitar accidents.

RR novitads 14:00