Siglir tar il cuntegn

Header

cuntegn

Onns 1990 Servetsch secret american ha tadlà giu Cussegl federal

La fin dals onns 1990 steva la Svizra sut squitsch pervi d'ina dispita davart daners dal holocaust. Durant quel temp haja il servetsch secret american tadlà giu telefonats da politichers svizzers. Quai mussan retschertgas da l'emissiun da SRF «10 vor 10».

Il servetsch secret american ha sco i para tadlà giu ils onns 1990 discurs da telefon d'in cusseglier federal en connex cun facultads senza identitad. Ina notizia d'acta dal secretari dal stadi Franz Blankart dal matg 1998 mussia ch'il servetsch secret american haja tadlà ils discurs tranter auter da l'anteriur cusseglier federal Flavio Cotti e l'ambassadur svizzer a Washington. L'anteriur ambassadur Thomas Borer conferma il suspect, el sa regordia da las notizias d'acta.

Facultad senza identitad en Svizra

Avrir la boxSerrar la box

I sa tracta d'in cas dad avant 20 onns. Lura steva la Svizra sut squitsch politic pervi da la facultad senza identitad da persunas gidieuas ch'èn mortas en champs da concentraziun durant la Segunda Guerra mundiala. Ils daners da gidieuas e gidieus sa chattava sin contos da banca svizzers.

Bancas svizras èn sa dustadas ditg cunter las pretensiuns da descendentas e descendents da las unfrendas. Ils onns 1990 han ils Stadis Unids fatg fermamain squitsch e las bancas svizras han la finala pajà 1,25 milliardas dollars.

video
Abgehört vom Geheimdienst
Or da 10 vor 10 dals 26.01.2021.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga