Siglir tar il cuntegn

Header

Purtret dal logo da l'ONU.
Legenda: L'ONU ha decidi d'entschaiver tractativas davart in scumond d'armas nuclearas. Keystone
cuntegn

Svizra ONU entschaiva tractativas per scumond d'armas nuclearas

La giunta da discharmaziun da l'ONU vul ch'in scumond dad armas atomaras vegnia tractà. Il mars ed il zercladur duai dar duas conferenzas per tractar il tema. 123 pajais han vuschà per las tractativas, 38 encunter e 16 n'han betg vuschà – tranter auter la Svizra.

Mintga acziun cun armas atomaras haja «consequenzas umanitaras catastrofalas», è scrit en la resoluziun. La giunta dat vinavant questa a la radunanza plenara da l'ONU che ha lieu las proximas emnas. Il text ha be ina funcziun da recumandar, dentant betg liant.

La resoluziun chatta gronda resistenza tar quels stadis che possedan armas nuclearas. Quatter dals tschintg stadis da veto vuschan na: ils Stadis Unids, la Russia, la Frantscha e la Gronda Britannia. La China n'ha betg vuschà gist tuttina sco l'India ed il Pakistan che possedan era armas nuclearas.

La svizra s'abstegna

Sco il departament per fatgs da l'exteriur communitgescha, è la Svizra s'abstegnida perquai ch'ina proposta da la Svizra per reglas orientadas al consens na saja betg vegnida recepida en la resoluziun. La Svizra vegnia dentant a s'engaschar vinavant per in mund senza armas atomaras.

Per armas chemicas e biologicas datti gia in scumond internaziunal.

RR novitad 12:00

Dapli da Svizraavrir la Landingpage

Nach links scrollen Nach rechts scrollen