Siglir tar il cuntegn

Header

cuntegn

Svizra ONU sut squitsch d'opposiziun siriana avant discurs da pasch

Tar las contractivas da pasch per la Siria a Genevra vul il mediatur da l'ONU Staffan de Mistura negoziar la dumengia cun ils represchentants da l'opposiziun. Ils represchentants fan dentant valair gia ordavant, che la situaziun umanitara stoppia vegnir meglierada en Siria.

De Mistura vul realisar uschè spert sco pussaivel in armistizi cumplain ed ina meglieraziun da la situaziun umanitara en la Siria. Il plan da la cuminanza internaziunala prevesa dus punct per las tractativas a Genevra, numadamain:

  • da furmar ina regenza transitorica e
  • d'elavurar ina constituziun.

Aifer 18 mais duai quai lura dar elecziuns libras en la Siria. Quellas vegnissan survegliadas da las Naziuns Unidas.

Situaziun umanitara sco punct central

La situaziun umanitara vegn lura era ad esser l’emprim punct da discussiun tranter de Mistura e l'opposiziun siriana. Sche quai aspect fetschia naufragi, lura na dettia quai nagina raschun da cuntinuar cun ils discurs a Genevra, hai num davart ils adversaris dal reschim da la Siria.

L'opposiziun saja dentant interessada vi d'in success da las contractivas. Ma els spetgian era segns da buna veglia da vart dal reschim, per exempel furniziuns da mangiativas.

RR novitads 06:00

Artitgels legids il pli savens