Il Sursilvan Martin Fontana ha translatà en sursilvan il text original dal Vegl testament, ch'è scrit per ebraic, armaeic e grec vegl . Quest engaschi remunerescha la facultad da teologia da l’universitad da Turitg cun il titel d'onur da docter. Cun ses engaschament ha Fontana stgaffì il pendant tar la translaziun dal Nov Testament per sursilvan dal plevon Peter Paul Cadonau.
Martin Fontana è naschì il 1934 a Flem. El ha studegià teologia e linguas veglias a Turitg, Basilea e Berlin. Fontana è tranter auter stà plevon a Castrisch, Riein e Favugn. El viva puspè a Flem.
Engaschament per rumantsch mess en la tgina
Sco gia ses bab s'engascha er Martin Fontana fitg per la lingua rumantscha. El è s'engaschà per la Renania (uniun da lingua dals refurmads da Sur- e Surselva) ed ha sco redactur edì durant 20 onns per il «Calender per mintga gi».
Dasperas è el er stà activ en la lirica. «Sinzurs agl ur», «Ei para l'ava» e «Denter las alas» èn las ovras dal Sursilvan. Tschertas da sias istorgias èn er vegnidas arranschadas da cumponists sco Gion Antoni Derungs, Gion Balzer Casanova u Christian Gamboni.
RR novitads 08:00