Siglir tar il cuntegn

Header

cuntegn

Or da 10 pajais Studi mussa irregularitads tar adopziuns

Tar adopziuns internaziunalas en Svizra tranter ils onns 1970 e 2000 hai sco ch'i para dà irregularitads en millis da cas. Quai mussa in rapport da la Scol'auta turitgaisa per scienzas applitgadas ZHAW.

Il studi ha intercurì adopziuns dal Bangladesch, da la Brasilia, dal Chile, da l'India, dal Peru, da Guatemala, da la Columbia, da Corea, dal Libanon e da la Rumenia. En quels pajais d'origin dettia indizis ch'i saja vegnì fatg diever da praticas illegalas, commerzi cun uffants e documents sfalsifitgads, hai num en la communicaziun da l'Uffizi federal per giustia.

Il Cussegl federal ha prendì enconuschientscha dal rapport. Ins deploreschia che las autoritads n'hajan betg surpiglià lur responsabladad envers quels uffants e lur famiglias. Ils chantuns sajan uss responsabels ch'i vegnia sustegnì las persunas tar la tschertga da lur origin. Plinavant ha il Cussegl federal incumbensà ina gruppa d'experts da dar scleriment pli profund enfin la fin dal 2024.

RTR novitads 12:00

Artitgels legids il pli savens