Pervi da la crisa da corona ha l'organisatur da viadis Tui Suisse decidì diras mesiras. La figlia dal pli grond concern da viadis sin il mund serra filialas e stritga 70 plazzas da lavur, quai èn 15% da las plazzas. Uschia communitgescha Tui Suisse sin sia pagina d'internet.
Nus giain da quai anora, ch'ins po questa stad realisar var 70% damain viadis che oriundamain spetgà.
8 da 62 filialas
Tenor il directur quintan els da pudair organisar questa stad radund 70% damain viadis. Per pudair avair success en l'avegnir vegnan 8 da las 62 filialas en Svizra serradas la fin da settember. Concret vai per las filias Turitg Sihlporte, Winterthur Marktgasse, Dietikon, Mall of Switzerland, Cham, Lucerna Zürichstrasse, Berna Spitalgasse e Bienna. La reducziun da plazzas duai succeder entras fluctuaziun, pensiunament, reducziun dal pensiun da lavur ma i vegn dentant era a dar relaschadas.
Ord l'archiv
Trivago, Airbnb, ebookers ed uschia vinavant – portals d'internet per cudeschar vacanzas existan bunamain senza fin. Malgrà questa concurrenza datti anc adina biros da viadi.
