Siglir tar il cuntegn
Inhalt

Svizra Ospital d'uffants Turitg: 551 cas cun suspect da maltractament

L'ospital d'uffants a Turitg ha dumbrà l'onn passa 551 cas da suspect da maltractament d'uffants. Cumpareglià cun l'onn 2016 saja quai in augment da 12%, ha l'ospital communitgà.

Buoba zuppa fatscha davos umbrival.
Legenda: il pli fitg sajan ils maltractaments psichics s'augmentads (maletg simbolic). Keystone

Quai sajan uschè blers sco anc mai ed il dumber paria d'esser alarmants. Ina analisa dals cas mussia dentant, ch'i sa tractia en la maioritad da betg fitg grevs maltractaments, uschia l'ospital d'uffants da Turitg.

551 suspects – 390 cas confermads

En 70% dals cas ha l'autoritad per protecziun d'uffants effectivamain constatà in maltractament. Tar ils uffants pertutgads haja l'ospital d'uffants stuì prender ulteriuras mesiras u porscher sustegn. La finamira saja da proteger ils uffants e da da rinforzar il circul famigliar. En 6% dals cas ha il suspect pudì vegnir sclaus. Ed en 24% dals cas n'haja betg pudì vegnir sclerì, schebain l'uffant saja vegnì maltractà u betg.

Il pli fitg sajan ils maltractaments psichics s'augmentads. Ma er ils cas da negligientscha ed abus sexuals sajan s'augmentads. Cunzunt uffants tranter in e set onns sajan pertutgads. L'integritad sexuala vegnia pli savens maltractada tar mattatschas. Buobs pireschian pli savens sut abus corporals.

RR novitads 18:00