Il 2021 han ins annunzià 625 cas da suspect da maltractament d'uffant. Il onn avant eran quai anc 592, pia 33 damain. Quai ha communitgà il Ospital d'uffants da Turitg, il pli grond ospital d'uffants da la Svizra. Tar 442 cas han ins pudì cumprovar maltractament d'uffants. Creschì èn surtut ils cas da maltractament psichic (22% da tut ils cas) e negligientscha (19% da tut ils cas). Experts ed expertas quintan en quel sectur cun in aut dumber zuppà. Il dumber da maltractaments sexuals è restà constant (30% da tut ils cas).
Pervia da la pandemia dettia ulteriur squitsch per famiglias che hajan gia problems psichics però era autras famiglias survegnian problems psico-socials, uschia ils experts e las expertas dal pli grond ospital d'uffants da la Svizra.