A l’Ospital universitar da Turitg è in medi en ina funcziun directiva vegnì relaschà. El aveva rendì attent sin eventualas irregularitads a la clinica per chirurgia dal cor.
L’Ospital universitar da Turitg ha confermà la relaschada dal medi envers l’agentura da novitads Keystone / SDA. Avant avevan gia las gasettas da Tamedia rapportà dal cas. Ellas scrivan ch’il medi aveva mess ensemen in dossier cun sbagls d’in chirurg dal cor e tramess quel a la direcziun da l’ospital.
In’emna pli tard saja il whistleblower vegnì relaschà. La cumissiun cumpetenta dal cussegl chantunal ha annunzià da laschar investigar las renfatschas.