Siglir tar il cuntegn

Header

cuntegn

Ospitalisaziuns da corona 70% pateschan anc in onn suenter da Long Covid

En Svizra pateschan 70% da las pazientas e pazients da covid anc in onn suenter ch’els èn stads a l’ospital, dad uschenumnads sintoms da «Long Covid». A questa conclusiun vegn in studi da l’ospital chantunal da l’Argovia e da l’ospital universitar da Basilea.

Tenor il studi èn ils sintoms ils pli frequents stancladad (46%), difficultads da sa concentrar (31%) e da respirar (21%), sa sentir mal suenter sforz (20%). 38% dals pazients e las pazientas han plinavant inditgà ch'ils sintoms restrenschian lur qualitad da viver.

Radund mintga tschintgavel ha plinavant inditgà d'avair sintoms da tema u depressiuns. Il studi sa basa sin intervistas cun total 90 persunas ch'eran vegnidas ospitalisadas pervi da Covid-19.

In ristg pli grond per avair sintoms Long Covid han las persunas ch’èn stadas ditg en l’ospital, che han ina greva malsogna e che descrivan lur stadi da sanadad en general sco main bun.

Ord l'archiv:

audio
Long Covid: A partir da cura èsi Long Covid e tge èn ils sintoms
aus Actualitad vom 10.02.2021.
abspielen. Laufzeit 3 minutas 52 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga