Siglir tar il cuntegn

Header

cuntegn

Ospitals universitars Dapli renconuschientscha e dapli daners daners

La pandemia da Covid-19 ha mussà la rolla centrala dals tschintg ospitals universitars en Svizra. En quest senn han ils tschintg directurs fatg bilantscha da la pandemia da Covid-19 en ina conferenza da medias a Berna. La crisa haja mussà ch'ils ospitals sajan relevants per il sistem.

Dal schaner 2020 fin l'avrigl da quest onn han ils ospitals tgirà staziunar 21'890 pazientas e pazients da corona - 3'362 da quels sin staziuns intensivas. Quai èn 42% da tut ils tractaments da pazients da corona en Svizra.

Finanzialmain haja la pandemia dentant laschà fastizs: Ils custs supplementars en connex cun la pandemia muntan per ils ospitals universitars a 352 milliuns francs. Sut il stritg resta uschia ina perdita dad 80 milliuns francs. Senza l'agid dals chantuns fiss la perdita anc pli auta.

Werner Kuebler (Basilea), Philippe Eckert (Lausanne), Bertrand Levrat (Genevra) ed Uwe E. Jocham (Berna).
Legenda: Ils tschintg directurs dals ospitals universitars Werner Kuebler (Basilea), Philippe Eckert (Lausanne), Bertrand Levrat (Genevra) ed Uwe E. Jocham (Berna). Keystone

RTR novitads 15:00

Artitgels legids il pli savens