El haja fatg tras in process pli ditg, di Curdin Orlik. Ed i haja duvrà blera energia.
Gia pli ditg hai jau ponderà da far in coming out. Uss è il mument qua. Jau na less betg pli ma zuppar, mabain esser liber dapertut.
Curdin Orlik, il lutgader da 27 onns, è l'emprim sportist d'elita en Svizra che confessa sia omosexualitad. Dapi venderdi saira è sia istorgia da leger en Das Magazin, dumengia saira discurra el en il «sportpanorama» tranter auter sur il tabu dal esser omosexual en il sport d'elita, sur da stereotips e clischés. Ed er tge ch'i munta, ch'el sco sportist omosexual, da stuair sa strair anc oz cun sentiments opprimids.
Malgrà ils dubis ch'han mudregià el ditg, di il grischun oz: «Er in um omosexual po esser ferm e lutgar bain.»