Oz è l'uschenumnà «Overshoot Day». A partir dad oz viva il mund sur las resursas che pon crescher suenter entaifer in onn. Tschintg mais avant la fin da l'onn han ils umans producì dapli CO2 che quai ch'ils oceans e guauds san prender si. I saja vegnì pestgà dapli ord ils mars e flums che quai ch'i naschan novs peschs, i saja vegnì runcà dapli guaud che quai ch'i po crescher suenter entaifer in onn.
L'onn passà avevan las resursas anc tanschì bun in mais pli ditg. Quai era surtut ina consequenza dal lockdown.
«Overshoot Day» svizzer schon passà
En Svizra è il «Overshoot Day» schon stà ils 11 da matg, suenter mo 131 dis. La populaziun svizra sgoli surproporziunalmain bler, stgauda cun ieli e gas e bitta davent varga in terz da las mangiativas. Sche l'entir mund vivess uschia, duvrassi mintg'onn las resursas da var 4,4 planets, avertescha il WWF.
Ord l'archiv
L'onn passà la redacziun da «Battaporta» declerà il «Overshoot Day» en ina seria da videos.
