L'ovra atomara Mühleberg, datiers da la citad da Berna, è stada 47 onns en funcziun. En in mais, ils 20 da december enturn las 12:30 vegn l'ovra atomara prendida da la rait. Entaifer set uras croda la temperatura da l'aua dal reactur da 280 sin 100 grad celsius. Fin ils 22 da december duai il serrar giu esser terminà. Suenter succeda la demontascha che vegn a cuzzar plirs onns.
Mühleberg è l'emprima ovra atomara svizra che vegn prendida ord funcziun. Las preparativas marschian tenor plan, hai gì num davart dal gestiunari, il concern d'energia BKW. Ils custs per la demontascha e la restructuraziun muntan tenor cifras actualas sin 927 milliuns francs. Latiers vegnan anc ils custs per la dismessa da 1,427 milliardas francs, oravant tut davent dal 2040.
Ord l'archiv
RTR novitads 12:00
